ભારતીય રિઝર્વ બેંક (RBI) ભારતની સર્વોચ્ચ અને વિશ્વસનીય સેન્ટ્રલ બેંક છે. RBI દ્વારા દર વર્ષે વિવિધ પદો માટે ભરતી કરવામાં આવે છે, જેમાં વર્ષ 2026 માટે ઓફિસ એટેન્ડન્ટ (Office Attendant) પદ માટે મોટી ભરતી બહાર પાડવામાં આવી છે. આ ભરતી ખાસ કરીને 10મું પાસ ઉમેદવારો માટે એક ઉત્તમ તક છે, કુલ 572 ખાલી જગ્યાઓ માટે દેશભરની વિવિધ RBI કચેરીઓમાં ભરતી કરવામાં આવશે.
મહત્વપૂર્ણ તારીખોની માહિતી
RBI ઓફિસ એટેન્ડન્ટ ભરતી માટે ઓનલાઈન અરજી પ્રક્રિયા 15 જાન્યુઆરી 2026 થી શરૂ થઈ છે. ઉમેદવારો 04 ફેબ્રુઆરી 2026 સુધી અરજી કરી શકે છે તેમજ ફી પણ આ જ તારીખ સુધી ભરવાની રહેશે. ઓનલાઈન પરીક્ષા સંભાવિત રીતે 28 ફેબ્રુઆરી અને 01 માર્ચ 2026 ના રોજ યોજાશે. ઉમેદવારોને સલાહ આપવામાં આવે છે કે તેઓ સમયસર અરજી કરી દે.
કુલ ખાલી જગ્યાઓ
આ ભરતી હેઠળ કુલ 572 ખાલી જગ્યાઓ જાહેર કરવામાં આવી છે, જે RBI ની વિવિધ પ્રાદેશિક કચેરીઓમાં વહેંચાયેલ છે. ઉમેદવાર માત્ર એક જ ઓફિસ માટે અરજી કરી શકે છે. આ ભરતીમાં ગુજરાત સહીત આખા દેશના વિવિધ રાજ્યોમાં ભરતી છે.
શૈક્ષણિક લાયકાત વિશે વિગતવાર માહિતી
RBI ઓફિસ એટેન્ડન્ટ પદ માટે ઉમેદવારે સંબંધિત રાજ્ય અથવા કેન્દ્રશાસિત પ્રદેશના માન્ય બોર્ડમાંથી 10મું ધોરણ પાસ કર્યું હોવું જરૂરી છે. સૌથી મહત્વની બાબત એ છે કે 01 જાન્યુઆરી 2026 ના રોજ ઉમેદવાર અંડરગ્રેજ્યુએટ હોવો જોઈએ. એટલે કે, જે ઉમેદવારો સ્નાતક અથવા તેનાથી વધુ લાયકાત ધરાવે છે, તેઓ આ ભરતી માટે પાત્ર નથી.
આ ઉપરાંત, ઉમેદવારને જે રાજ્ય અથવા કેન્દ્રશાસિત પ્રદેશની કચેરી માટે અરજી કરી હોય, તે રાજ્યની સ્થાનિક ભાષા વાંચવા, લખવા, બોલવા અને સમજવાની આવડત હોવી જરૂરી છે.
વય મર્યાદા અને છૂટછાટ
RBI ઓફિસ એટેન્ડન્ટ પદ માટે ઉમેદવારની ઉંમર 18 થી 25 વર્ષ વચ્ચે હોવી જોઈએ. એટલે કે ઉમેદવારનો જન્મ 02 જાન્યુઆરી 2001 પહેલાં અને 01 જાન્યુઆરી 2008 પછી થયો હોવો જોઈએ.
સરકારી નિયમો અનુસાર SC/ST ઉમેદવારોને 5 વર્ષ, OBC ઉમેદવારોને 3 વર્ષ, PwBD ઉમેદવારોને 10 વર્ષ તથા વિધવા અથવા છૂટાછેડા લીધેલી મહિલાઓને પણ ઉંમરમાં છૂટછાટ આપવામાં આવે છે.
અરજી ફી અંગે માહિતી
જનરલ, OBC અને EWS કેટેગરીના ઉમેદવારો માટે અરજી ફી ₹450 + 18% GST, એટલે કુલ ₹531/- રહેશે. SC, ST, PwBD અને Ex-Servicemen ઉમેદવારો માટે ફી માત્ર ₹50 + GST, એટલે ₹59/- છે. RBI ના સ્ટાફ ઉમેદવારો માટે કોઈ ફી લાગુ પડતી નથી.
પસંદગી પ્રક્રિયા અને પરીક્ષા પેટર્ન
પસંદગી પ્રક્રિયા બે તબક્કામાં પૂર્ણ થશે. પ્રથમ તબક્કામાં ઓનલાઈન પરીક્ષા (120 ગુણ) લેવામાં આવશે. આ પરીક્ષામાં તર્કશક્તિ, સામાન્ય અંગ્રેજી, સામાન્ય જાગૃતિ અને સંખ્યાત્મક ક્ષમતા – દરેકમાંથી 30 પ્રશ્નો પૂછવામાં આવશે. દરેક ખોટા જવાબ માટે ¼ ગુણનું નેગેટિવ માર્કિંગ રહેશે.
બીજા તબક્કામાં ભાષા પ્રાવીણ્ય કસોટી (LPT) લેવામાં આવશે. આ પરીક્ષા માત્ર લાયકાત સ્વરૂપની રહેશે અને તેમાં ઉમેદવારને સંબંધિત રાજ્યની સ્થાનિક ભાષા આવડે છે કે નહીં તે ચકાસવામાં આવશે. LPT પાસ કરવી ફરજિયાત છે.
RBI ઓફિસ એટેન્ડન્ટ માટે ઓનલાઈન અરજી કરવાની પ્રક્રિયા
ઉમેદવારોને RBI ની સત્તાવાર વેબસાઇટ opportunities.rbi.org.in પર જઈને અરજી કરવી પડશે. “Current Vacancies” વિભાગમાં જઈને Office Attendant ભરતી પર ક્લિક કરી નવી નોંધણી કરવી પડશે. ત્યારબાદ ફોટોગ્રાફ, સહી, ડાબા અંગૂઠાની છાપ અને હાથથી લખેલી ઘોષણા અપલોડ કરી અરજી ફોર્મ સબમિટ કરવું પડશે. અરજી સબમિટ કર્યા પછી તેનો પ્રિન્ટઆઉટ સાચવી રાખવો જરૂરી છે.
Disclaimer
આ આર્ટિકલમાં આપવામાં આવેલી માહિતી સત્તાવાર RBI ભરતી સૂચનાના આધારે તૈયાર કરવામાં આવી છે. કોઈપણ ફેરફાર અથવા નવી માહિતી માટે ઉમેદવારોને RBI ની સત્તાવાર વેબસાઇટ અવશ્ય તપાસવાની સલાહ આપવામાં આવે છે.
ભરતી જાહેરાત તથા વધુ માહિતી માટે – અહીં ક્લિક કરો
Himanshu PandyaMahitiGovt.Com ના સ્થાપક અને કન્ટેન્ટ ક્રિએટર. સરકાર સંબંધિત નોકરીઓ, યોજનાઓ અને સૂચનાઓને સરળ અને સ્પષ્ટ રીતે રજૂ કરવાનો મારો સતત પ્રયાસ છે, જેમાં દરેક માહિતી સત્તાવાર સ્ત્રોત પરથી ચકાસવામાં આવે છે.